اخذيني (سعد علوش

**MESSI** · #1 30-05-2011, 05:54 AM

مراحب بالجميع
قصيده للشاعر المبدع سعد علوش

اخذيني إ ليا عجبتك بس رديني
وان ما عجبتك خلاص أخذيني ما ابيني

مدامني شفت فيك الطهر والعفة
بعيف نفسي ليا منك كرهتيني

خذيني لو اعتبر من ضمن أشياءك
وانا بحبك ولا لازم تحبيني

لا ابي علاقة ولا ابي نظره وبسمه
احساسي اني بقربك بس يكفيني

ولو اني انضفت لاشياءك غصب عنك
طلي علي يا غناتي لاتخليني

تراي لا جا المصامد ماني بهين
تقول كن العرب لعبة بيديني

شخصيتي من غرابتها وطيبتها
كن الزمن في تحدي بينه وبيني

خذيني الشاعر اللي ما صدق حظه
لا قلت يا حظ وينك قال يا ويني؟

اخذيني المبدع المتفلسف التحفه
مؤمن وتضحك على العالم شياطيني

شهرة شكسبير و أفلاطون ونيوتن
لا قلتلي بيت شعر تطيح من عيني

وخذيني العنصر اللي صدق متعنصر
من دون ربعي لو اقطع شراييني

واخذيني اللي ليا منه طلب يعطى
وتكفين لامن طلبتك لا ترديني

تكفين يا غايتي يا بهجة الدنيا
ابحرق قلوب ناس ما تدانيني

خذيني بكل شوق وقولي احبه
وان شككوا فيك ولا فيّ ضميني

قولي ((سعد)) والله انه غالي جدا
ويا جعل فدوى شبابي وآخر سنيني

وانا بأصدق كلامك و اعتنز بالله
وبقول للناس مايعنيك يعنيني

وانا علي نذر ما ارخص جيتك وانتي
نذر على رقبتك انك ما تخليني

**ولد الخبات** · 30-05-2011, 12:56 PM

قصيده جميلة .............
تسلم ميسي على الطرح @@@@@@

**s.o.s** · 30-05-2011, 01:11 PM

خذيني الشاعر اللي ما صدق حظه
لا قلت يا حظ وينك قال يا ويني؟

تسلم ع القصيده الجميله.....

**نهــال** · 30-05-2011, 03:01 PM

لا ابي علاقة ولا ابي نظره وبسمه
احساسي اني بقربك بس يكفيني

شكرا لك يا messi على التألق
مميز في انتقائك, مبدع كعادتك

**MESSI** · 30-05-2011, 03:29 PM

شكرا على المرور أخي ولد الخبات

مرورك شرف s.o.s

نورتي الصفحه نهال بمرورك المتميز

**الاشخري** · 30-05-2011, 04:58 PM

مشكور الغالي
الى الامام

**شـبيه الــريــــح** · 30-05-2011, 07:38 PM

مشكوووور ميسي على الكلمات الجميلة

دائما متألق

**MESSI** · 30-05-2011, 11:27 PM

شكرا على المرور الجميل "الاشخري" " شبــيه الريــح"
نورتوا الصفحة

**صاحب السمو** · 31-05-2011, 12:43 AM

خذيني لو اعتبر من ضمن أشياءك
وانا بحبك ولا لازم تحبيني
تسلم ع القصيدة الحلووة يا ميسي...وصح لسان بن علووش..

دووم متميز في طرحك!!!!..

**بنت الغظيفة** · 31-05-2011, 02:02 AM

مشكور اخي ميسي ع النـــــقــــل...
يعطيك العااافيهـ..