حنيت لك رحت ذاك الرصيف..وينك.؟

[عاشقه المستحيل]

حنيت لك رحت ذاك الرصيف..وينك.؟










ضاق صدري و رحت افضفض قاصد ٍ نفس الرصيف !





شفت نور الحي زايد و آنا خبري به ظلام



و الغريب انه خفوقي زاد نبضه .. مدري كيف !!


كني طفل ٍ .. يبكي .. خايف .. ضايع ٍ وسط الزحام




اثْرها كانت وراي .. و الضيا ما كان طيف


قبل ما اوقف و اسلّم .. قلبي المشتاق قام




ما طرى في بالي الا (يا بَخَت من لك وليف )


عينها بعيني .. و نظره .. رجعتني كم عام




فجأه شفت اشجار تخضر و هْيَ في عز الخريف


و هذا هو حال المفارِق يوم يطري له الغرام




يبتسم .. يشبه بشوقه .. للنظر شخص ٍ كفيف


الأمل ضايع .. ولكن .. الأماني مو حرام




الثواني تمر و تمضي .. اشهد ان الوقت سيف


فجأه قالت ( كيف حالك ) قبل ما ارمي السلام !




كنت احسْب اني قوي .. لين اكتشفت احساسي زيف


ما عرفت انطق بكلمه .. شاعر و خانه الكلام !!!




كيف اقول اني بخير و باين بقلبي النزيف ؟


و الملامح بان فيها عين ما عادت تنام



مرتبك .. واقف .. و ساكت .. انفض غبار الرصيف


بالعجل هزيت راسي ( يعني اخباري تمام )




و انسحبت بْلا تردد لني انسان ٍ ضعيف


و القوي لا شاف موته .. يوم يضعف ما يلام ...

[نهــال]

قصيدة تصور لك المشهد الحزين
أعجبني أختيارك أخية,, لك الشكر

[أبوراشد العيسائي]

قصيدة طيبة
شكراً على مشاركتك المتميز
دمتم بود

[عاشقه المستحيل]

نهال وأبو راشد العيسائي
تسلموون على المرور الطيب بااارك الله فيكم ورزقكم الفردوس الاعلى