الشكوى لله

[& فـتـى عـاااهـن &]

الشكوى لله ما بليدين حيلة..
الحيل عبَّر واهلكنِّي همومي..
هم ٍ وضيق ولا اهتني كل ليلة..
فكري تفجَّر ما اسعفتني عزومي..
بايت سهير الليل عيني هميلة..
تذرف دمعها كن وادي يعومي..
والدم نشَّف م العروق العليلة..
يا ناس من يسعف ضعيف امحرومي..
ما فادني طبٍّ ولا اللي مثيلة..
كم مرة ٍ زرته ولاني امحمومي..
قالوا المطوَّع ، قلت والله عظيلة..
ما شفت من لاثنين حل امعلومي..
هذا مقدر والقدر له وسيلة..
الرب سبحانه غفور ٍ رحومي..
كاشف هموم الناس رب الفضيلة..
قادر قدير وقدرته له تدومي..
بطلبك يا رحمن نفسي عليلة..
تبعد همومي يا مبعّد همومي..
عبدك واعبدك كل صبح ومقيلة..
والناس كلهم لك عباد ٍ تصومي..


كلمات.. وليد العيسائي