الدكتوره

[alshaheen99]

بدوي وحافظ سنتي وكتابي
وعادات عندي منطقه محضوره
اعرف مقاماتي مبين اصحابي
كني وسط ميدان العب كوره
اما امرر كورتي ايجابي
ولا بلنتي تهزم الاسطوره
يا بنت ويش اللي حصل فغيابي
ضيق وزعل متكدره ومقهوره
صوتك يصيغ الهمس فيك عتابي
ما ضنتي انك كذا مسروره
قولي عليك امن الستر جلبابي
ومن كل حاسد يالغلا مستوره
قالت تعال اقلط وسكر بابي
واقرب هنا يا معذب الدكتوره
مشتاقه لك يا سيد الاحبابي
واضن سيرتنا بدت مشهوره
ذكرت اسمك بين ربع قرابي
وفضيت سيره بين ساره ونوره
قلت الستر يا بنت عندي ركابي
نرحل ونقطن منطقه مهجوره
فالسيح اتصبح بريح ترابي
والليل يا محلا السهر وحضوره
بيتي لضيفي ما عليه حجابي
ابعد عن اقوال العرب وشروره
ما كل بيت فالشعر ينعابي
وما كل شاعر هاج بحر شعوره
وانا فطين واعرف الكتابي
والبحر ما يامن ابد من جوره
واختم قصيدي كان فيه عتابي
حبيت اروي قصة الدكتوره