الشاعره عوشه السويدي(فتاة العرب)

[طلال العيسائي]

السلام عليكم ورحمة الله
هاذي قصيده للشاعره فتاة العرب حبيت أسمعكم أياها
أتمنى تنال اعجاب الجميع



أيقودني الهوى




سقـى الله دارنـا عقـب لمحولـي = حقوق الغيث من سحـبٍ سرايـا
إحيابٍ ساقـه الوسمـي همولـي = يـعـمّ الـيــود بـــه كـــل النّـحـايـا
عسـى عشريـن يـومٍ بالكمولـي = وعـشــر ايّـــام تـتـلاهـا وفـايــا
مطرهـا مـن مخايلـهـا هطـولـي = تـشـعّ ابروقـهـا مـثـل الـسّـرايـا
يزافـن رعـدهـا بــرقٍ شعـولـي = وتسمـع لــه دويّ فــي الخفـايـا
وسالت م الشّعاب إلهـا سيولـي = تحـدّر م الحـزوم إلــى الوطـايـا
عـلـى دارٍ ابـهـا ربـعـي نـزولـي = وخـلاّنــي وشــفّــي واصـدقـايــا
غريم الشّوق ما سمع العذولي = ولــوم الـحــبّ تـدهــاه الـدّهـايـا
على الشّطّـات والشّـدة حمولـي = ويصبر في العنـا صبـر الظّمايـا
ولو مـا الحـب مـا خبّـت ذلولـي = ولا جاسـيـت مــن هـمّـي بـلايـا
جدا من صوبهم سلكـه اريولـي = اتدوس الشّوك واقدامـي حفايـا
إلي منهم على الخاطر طرو لي = ايقودنـي الهـوى قــود المطـايـا
اذا مـا النّـوم فـي عينـي يذولـي = يجيـب الطّيـف لـي عنهـم روايـا
ولـي مـن يانـي منهـم رسـولـي = اتخـالـيـبـه عـيـونــي بـالـخـلايـا
ولو شرع الهوى حكمه عدولي = تـشـاكـيـنـا وفـلّـيـنــا الـشّـكـايــا
لكـنّ الحـب لـه قــاضٍ جهـولـي = فــلا اتجيـبـه بــذول ولا رشـايـا
إلى ونّيت: بـي شمـت العذولـي = وشاب القلب من قـول الوشايـا
يخـادعـنـي المـغـفّـل لمهـبـولـي = ولــــــوّامٍ يــبــثّــون الــدّعــايــا
وانا العبرات في عينـي تجولـي = إلـى طـرّت عـلـى بـالـي طـرايـا
وصلّى الله علـى طـه الرّسولـي = محـمـد شافـعـي خـيــر الـبـرايـا