سندويتشات دجاج ولا اروع بالصور

[سفانة]

طريقة عمل سندويتشات دجاج ولا اروع بالصور


السلام عليكم ورحمه الله وبركاته
حياكم الله فمطبخي ورح اقدم لكم سندويتشات دجاج لذييييييييذه
وسهله وسريعه والكل رح يسألك عن سر نكهتها
وطبعا من ابتكاااااري وخاصه فيني.. نبدأ

مقاديرالحشوه
صدور دجاج مقطعه مكعبات صغيره
بصله صغيره مقطعه صغير
فلفل رومي اخضر مقطع صغير
ملعقه اكل صلصه صويا حلوه_ ملعقه صغيره خل ابيض
بهارات (فلفل اسود_كمون_كزبره ناشفه) ملح _مكعب ماجي
شويه بقدونس مقطع
جبنه تشدر
طريقه عمل الحشوه
نشوح البصل فشويه زيت على النار



نقلبه حتى يذبل ونضيف عليه مكعب الماجي والفلفل الاخضر ونقلب




ثم نضيف الدجاج ونقلبه حتى يصير لونه ابيض ونضيف البهارات



ثم نضيف صلصله الصويا والخل ونتركه على نار هاديه واذا يحتاج ماء نحط شوي
ونضيف الملح ونتركه حتى يستوي الافضل ان الحشوه ماتكون ناشفه مره
لا نترك فيه صوص بسيط ثم نرش عليه البقدونس المقطع ..في هذا الوقت نبدأ نعمل صوص الدهن
نحتاج جبنه سايله _مايونيز _خردل_خس مقطع رفيع
نخلط جميع المكونات ماعدا الخس بعد ماتنخلط مزبوط نضيف الخس
وهذا شكلها وسوي الكميه اللي تناسب عدد الاشخاص



ونبشر جبنه التشدر وبكذا رح نبدا حشو الصامولي




ندهن الصامولي بالخلطه اللي سويناها وبعدها نضيف حشوه الدجاج ونرش عليه جبنه
التشدر ونكمل الباقي



وهذا شكلها وعليكم بااااااالف عاااافيه قدميها لعايلتك
واتلذذوا بالطعممممم يمممم




ملاحظه *تقدري تحشي الخبر العربي بنفس الطريقه وتلفيه رول زي الشاورما
او صواني التوست انا بالنسبه لي انا اعتمد الحشوه هذي
لاغلب الوصفات
جربوهااا وادعولي

منقول بأمانة

أنا جربته أكثر من مرة وطعمه خطيييير

[راعي الكروزر]

بالعافيه عليك "سفانه "
ما شالله الصور تقول أن الأكله حلوه ولذيذه
كيف عاد لو تذوقنا ...هع هع هع
مشكوووره ع النقل الجميل

[الزعيم]

يم يم يم
سفانة انتي شكلك ناوية تقتلينا
هههههههههه
تسلم ايديك اختي ع الساندويش
عاد زين لو تعزمينا عليهم
ههههههههه

[الشيدي]

شكلي اليوم بجلس ع امنيتي رحمت حالي وحليلني
تسلمي ع الطرح

[s.o.s]

يم يم يم

خاطري لو وحده بس

تسلمين دايمآ مبدعة..

[سفانة]

المشاركة الأصلية كتبت بواسطة راعي الكروزر

بالعافيه عليك "سفانه "
ما شالله الصور تقول أن الأكله حلوه ولذيذه
كيف عاد لو تذوقنا ...هع هع هع
مشكوووره ع النقل الجميل

بالعافية عليكم أنت جربها وبذوق حلاوتها

تسلم على المرور أخي راعي الكروزر

[سفانة]

المشاركة الأصلية كتبت بواسطة الزعيم

يم يم يم
سفانة انتي شكلك ناوية تقتلينا
هههههههههه
تسلم ايديك اختي ع الساندويش
عاد زين لو تعزمينا عليهم
ههههههههه

يم يم

ليش كفى الله الشر خلاص أنت ما راح نعزمك

أخاف يصير لك تسمم أبعد لاه

روح خذلك سندويش ما بابوه يمكن تلاقيه أحسن ،كله فلفل

[سفانة]

المشاركة الأصلية كتبت بواسطة الشيدي

شكلي اليوم بجلس ع امنيتي رحمت حالي وحليلني
تسلمي ع الطرح

الشيدي أنت كما الزعيم لا تقربوا صوب السندويشات

ما أريد مشاكل يا أصحاب المعده الحساسة

خليكم بعيد ( كفايه عليكم أكل بابوه ) في حد ما يحب أكل البيت

مشكورين على الزيارة

[سفانة]

المشاركة الأصلية كتبت بواسطة s.o.s

يم يم يم

خاطري لو وحده بس

تسلمين دايمآ مبدعة..

يم يم

الله يسلمك انت والله إلى ترفع المعنويات الطبق كله لك وبالعافيه عليك

وتسلم على المرور الطيب

[الغلا]

ماشاء الله تبارك الله
دائما مبدعه بمواضيعك
وطرح موفق
يعطيك العافيه