بلــآك بيري

[ماجد الاشخري]

بلــآك بيري .. للشـآعر : .. على بن مطر المزروعــي


بلاك بيري يا عرب بلشـه ..
و الأوادم فيـه مربوشـه ..

و كـل شاب ٍ مرتبش ربـشه ..
ضايع ٍ في عالم الطوشـه ..

و كـل محضور ٍ نعم دشـه ..
تايه ٍ و ينبش عشوشـــه ..

و البنات بحيـل مغترشـه ..
و أصبحت الأفكار مغروشـه ..

حتى لونـه غيروا نقـشه ..
و خدروا شاشاته و حوشـه ..

لا تبين أشياء منخـشه ..
للملا و يشيع منبوشــه ..

من جلس منهم يا هـي طفشـه ..
على المسنن و يتابع طروشـه ..

حد منهم في المسن عشـه ..
جالس و قايم على عروشـه ..

يرسل و يستقبل بلا نشـه ..
و الخبر onlin لا يحوشـه ..

عاد مثـله ينتعش نعشـه ..
و الفكر و النفس منعوشـه ..

و الخبر لـي ياه لا طـشه ..
غير نكتـه و صوره مغشوشه ..

و السوالف كلها دفـشه ..
و النوايا عاد مخدوشـه ..

هذا مع بوشهاب و يحشـه ..
و هاذي مع مريم مع عوشـه ..

ما عرفنا كيـف بندشـه ..
التطور زادت قروشــه ..

حسبي الله على الذي غشـه ..
بالسلع هالناس مغشوشه ..


حتـى أنا منهم في هالربـشه ..
ملتهـي في عالم الطوشـه ..


بلاك بيري يا عرب بلـشه ..
و الأوادم فيـه مربوشـه ..

كل منا مرتبش ربـشه ..
ضايع ٍ في عالم الطوشـه ..

[شمؤؤخي تعدااكـ]

القصيدة حلوه ..... سمعتها من قبل .........

مشكور ع الطرح صديقي

[الريـــم]

يرسل و يستقبل بلا نشـه ..
و الخبر onlin لا يحوشـه ..


حلووووووووووووووة

قووو صراحه... يسلمو ماجد

[عاهن الخير]

تسلم مجووود ع القصيده.
وصح لسان الشاعر.
لا هنت.

[الطير]

بلاك بيري يا عرب بلـشه ..
و الأوادم فيـه مربوشـه ..

يعطيك العافيه الأشخري ع القصيده الحلوه....
وصحيح ان الناس مرتبشه ويا البلاك بيري....

[أبوراشد العيسائي]

هذا يبوك رابش العالم كلها
وأحنا تجنبناه ما شرينا بلاك بيري
شكرا ع القصيدة الطيبة

[°•º الـمـَطـْـلـَـعـي °•º]

صحيح انه بلشه ، الواحد من يستخدمه عاد خلاص ما حد يكلمه،

منسجم ف الدردشه والمراسلات..

تسلم أخوي عالطرح..