واعذاب القلب يالغالي...مبتعد عني ولاشوفه
كاني الملدوغ واشالي...أسجع الونات مرضوفه
ناهبني عود ميالي...كالزمرد نقشة كفوفه
له جبينن ضوء لهلالي...والجدايل سمر منسوبه
قمت أبدع له من اقوالي...من بيوت الشعر مضفوفه
اشهد انه ف القلب غالي...من بنات الحور موصوفه
له جبينن برق شعالي...وف العذاراء معلقن نوفه
ياربوع العشق قتالي...ولي بتلى بالعشق واحوفه
قبلنا بو زيد لهلالي...كم ذاق الحب وصنوفه
والهواء كم طيح ارجالي...وكم فارس كسر سيوفه
والهواء ما لعبة اطفالي...لي لعبهم لعبة التوفه
الهواء كم هدم جبالي...والهواء لدروب معروفه
حد دان وحد من عالي...وحد ما تبغي أبد شوفه
وحد فدانا الحال والمالي...وحد يحاسبني ع مصروفه
كلمات /الشاعر:محمد سالم الحوسني(ابو علي)