[walhan]

كــل ماقـلـت انتهيـنـا مــن الـوضـع الخـطـيـر
اقـبـلــت ســــود الـلـيـالــي تــحـــد انـيـابـهــا



ويـن ابطلـع مـن حيـاه الشـقـاوه ويــن اطـيـر
والـفـرص صـكـت بوجـهـي وسـيـع ابـوابـهـا



لــي مـتـى وانــا مسـجـى عـلـى الدنـيـا فقـيـر
لــي مـتــى وانـــا انـتـظـر فـرصــه يحكـابـهـا



يالله انـــي طـالـبـك وانـــت بـعـبــادك خـبـيــر
تــفــرج لـيـمـنـى تـجـمــل وفــــى لاحـبـابـهـا



مـاذخـرت الـمـال للضـيـق والـيــوم العـسـيـر
فـيــك حـــزاتٍ لـيــا جــــات انــــت اولابــهــا



كـم فـرجـت الـهـم مــن ضـايـقٍ قلـبـه حسـيـر
يـطـلـبـك فــــي ســاعـــةٍ خــايـــبٍ طـلابــهــا



وكيف برجي الناس والناس تحت امرك تسير
ورزقـهــا الـلــي عـنـدهــا مــنــك يـاوهـابـهـا



مــن كــرم جــودك لقينـابـهـم شـيــخٍ وامـيــر
وتــاجـــرٍ ثــروتـــه مـايــنــدرى بـحـسـابـهــا



وانـتـه الـلـي بـيـدك يصـيـر تحـديـد المصـيـر
وانـتـه الـلـي تنـقـذ الـنــاس مـــن ماصـابـهـا



خـــل قـــدري بـالـهـدايـه وبـالـتـقـوى كـبـيــر
واغــفــر ذنــــوبٍ كـتـبـهـا عــلـــي كـتـابـهــا



ولاتحـمـلـنـي بـمــعــروفٍ انــســـانٍ حـقــيــر
ولا تـفـشـلـنـي بــنـــاسٍ تــعـــز اصـحـابـهــا



وعــزز ايمـانـي بـانــك عـلــى الـدنـيـا قـديــر
وان كـــل الــلــي عـلـيـهـا ســــوى بـتـرابـهـا



وان مـالـي غـيـر رحمـتـك فالـوضـع الخطـيـر
لاقـبـلــت ســــود الـلـيـالـي تــحـــد انـيـابـهــا