وش عاد يا دار ٍ بها صار ( توطين )*
و في مكتب التوظيف سوسن و ميسون !*
مديرهم مدحت و نائبْته نسرين*
و على الرسبشن حمّص و فول و زيتون !*
كل ما اتصلت اسمع ( الو مرحبا مين ؟*
بدّك وظيفه ؟ .. مين دلّك على هون ؟ )*
اقول انا لي اتصل صار شهرين*
و انتوا وعدتوني متى بس توفون*
اسمي ( مواطن ) ( جامعي ) طيب و زين*
كني ابخطب عندكم و اتّغلون !*
عندي شهادة طايحه بجبدي سنين*
عشش عليها شي له ستة عيون !!*
لو للشهاده لسان قالت ( على وين*
ناوي توديني .. تلف فيني الكون ؟ )*
من كثر ما صورتها غارق بدين*
للهندي راعي المطبعه صرت مديون*
ﻻ ليلي ليل وﻻ نهاري نوى يبين*
دقيت راسي لين ما صرت مينون !*
مطلوب خبره عاﻷقل في مجالين*
وﻻ ّ تجينا بواسطه و سير مدهون !
وﻻ انثبر في بيتك .. افرك بكفين*
يومك يشابه امسك و عيش مغبون*
تعدادنا ويّاهم اربع مﻼيين*
و اهل البلد للحين ما صاروا مليون !!*
ويﻼه من باكر اذا وضعنا الحين*
و احنا اقل من الربع حالنا شجون !*
و اللي ابتسم له حظه والله مسكين !*
حصّل وظيفه .. بس في وين .. تدرون ؟*
اكن في راس الحد.. حطوه في المزيون !!*
و اللي سكن في عبري .. في صلالة مدفون !!*
يشوف اهله بس في اﻷسبوع يومين*
و اذا حسبتوا الدرب كم ساعه ... تبكون*
يعني في كل احواله ذاق اﻷمرين*
شغّال محزون و بﻼ شغل محزون*
و اﻷجنبي اللي راتبه فوق عشرين*
فله و سياره و تذاكر .. و طاعون*
عنده بدل كل شي عالراتب الفين*
حتى بدل معجون اسنان و صابون !*
و من بعد ما يجمع من بﻼدي فلسين*
و يربّي م القعده على الكرسي بطون*
و يصير في بﻼده غني و عنده برجين*
يرحل و هو جاحد .. و كم مثله ملعون !*
و حتى الجماعه قوم مدحت و نسرين*
مردّهم لبﻼدهم لو يطولون*
يرضون بشوية دراهم .. و شفتين*
صبح و عصر .. لو حتى في الليل يرضون*
بس لو سمعتوا همسهم بينهم بين*
وسط القهاوي يلعنون و يسبون !*
ﻻ تحسبوني عنصري .. كلنا طين*
و الخِـل لو عاتب محبينه يمون*
داري و انا اولى بها من الغريبين*
ما يوصلون لحبها لو يموتون*
و ( اﻷقربون اولى ) .. كﻼم ٍ من الدين*
ما جبته من شعري مع الهام و ظنون*
ولد البلد ما يبغي لبﻼده الشين*
بالروح بالدم يفتديها وﻻ يخون*
لكن سؤاله يوم قلتوا له ( توطين )*
يا كيف بيد الغرب توظيفه يكون ؟؟!!*
شعارهم معروف ( راجعنا بعدين )*
و باين من التأجيل .. انهم يخافون*
اذا معك خبرة .. يا اهلين و سهلين*
و اذا شهاده بس .. عن ّ ك يصدون
ما عندنا شاغر .. و بطلنا تعيين*
ولو تحرق الهاتف ترى ما يردون !*
من وين اجيب الخبره ؟ من وين من وين ؟*
دام الوظيفه عند سوسن و ميسون !*
عندي بمطبخ بيتنا خبره سنتين !*
تنفع اذا صاروا المطاعم يوطنون ؟؟!*
وﻻّ أهاجر و آخذ الخبرة في الصين ؟*
صح العيون صغار .. لكن يقدْرون*
سؤال يا دار ٍ ..صراحه بترضين ؟*
اني أسافر و اطلب الغرب لي عون ؟*
و سؤال يا ناس ٍ على الراس و العين*
صدق الوظايف واسطه و سير مدهون ؟*
اما الجواب الشافي يجيني الحين*
او هاتوا تأشيره .. اذا كنتوا ترضون
|