يقول طاوعني ولا تجيب سيره
أبنصحك يا عِل في الامر خيره
طوّف علشان تتعدل أمُورك
وجامل "خصوصاً " فالامُور الكبيره
سُولف مع هذا وهذا وهذا
حتى اللي مايفهم بشي استشيره
رفّع لخلق الله وضبّط معاهم
الدنيا حرب اختار دورك !! وصيره
إما تكُون سلاح والناس هذي
ذخيرتك !! والا تكون الذخيره
ونافق ش فيها ياخي لما تنافق ؟؟؟؟
لا اول ذنوبك ولا هي الاخيره
واكذب ياعمي اصلا الكذب متعه !
يكفيك من شره ويعطيك خيره
واذا بلاك الله بقول الصراحه
قول الصراحه فالامور الصغيره
ازعجتنا بالحق والصح والصدق
الصدق ماودّى هل الصدق ديره
الصدق ماودّى هل الصدق ديره
الصدق ماودّى هل الصدق ديره
وخلص كلامه صاحبي وانا ساكت
ومن عقب ذاك اليوم .......!
صاحَبْت غيره
ل سعد بن علوش