[عاهن الخير]

-
-
-

لا تقطع أرحامك ويشملك الوعيد
ولا تخسر الغالي ولا ترخص غلاه
>
وأخوك لا تخسره لو إنه عنيد
يخطي مية مرة وتسمح له خطاه
>
وإن كان شد الحبل حاول ما تزيد
إرخيه قبل الشد يوصل منتهاه
>
ولا تنصحه وقت الزعل ما يستفيد
وإعرض عليه النصح في ساعة رضاه
>
وليا طلب رايك عطه رايٍ سديدٍ
وإن ما طلبك الراي لا تبحث خفاه
>
وإعرف ترى قرب المنازل ما يفيد
وأحيان يبدي شيَ ما ودك تراه
>
لكن لا تقرب ولا تنزل بعيد
خلك على قول المثل حذفة عصاه
>
وإحفظ حبال الود حفظك للوريد
إللي معلق فيه موتك والحياة
>
ترى الأخو مهما حصل يبقى عضيد
وترى عيال العم ما عنهم غنااااااة
>
الناس دايم ما تهاب إللي وحيد
إللي ليا منه وقف محدٍ معآآآآه