عطني يمينك واشبك الـيـد باليـد
عطني امل واعطيك رغبه اكيـده
انسى ليالي الهم والهجر والـصـد
نـبـدي مع الايام صفحه جـديـده
عطني عيونك فيهن ابحر مع المـد
والحب في دنيــا عيـونـك اعـيده
ارتاح في نظرتة عيونك بـلا حـد
والقى حياتي في عيـونك سـعيده
مركب غرامي فيك يبحر مع الـمد
والموج يسري فيه بـديـره بـعيده
يشكي من الأشباح والصيف والبرد
والغربه الصعبه تــصيح بـوريـده
غريب تايه ينتظر لـحـظة الــرد
دوامة الحرمان خايف تـصيده