[جريح المشاعر]

ليتك تحسي

ليتك تحسي بحالتي من بعد فرقاكم سنين
ليتك تشوفي لوعتي يا كيف قلبي تذبحه
من بعد طيفك يالضنا تميت أنا حاير سجين
أشكي مصابي ياهلي الأشواق دايم تجرحه
دمعي تنثر ياهلي وسنين أنا أمشي حزين
والدمع جرح مقلتي واليدين عيت تمسحه
ألطف بحالي يالضنا خلى قليبك لي يلين
لا لا تزيد لوعتي و السر لا لا تفضحه
حطي الحروف الأربعه وزيد عليها حرف شين
وأكتم محبتنا أبد وأرجوك أنا لا تشرحه
حكم ضميرك ف الهوى وأظهر لنا سر دفين
و اشرح لنا قصة عتب عنوانها يا ذابحه
يكفي عذابك أختشي الحر ما يرخى الجبين
والرأس مرفوعن على بيض الفعايل شامخه
لولا مخافة خالقي لكان سويتك عجين
وأخبزك ع جمر الغظا والنار جنبك تلفحه
حسي بحرارة لو عتي وحسي بضميري المستكين
جرب عذابي شلون كان وخبر هلك وش تنصحه؟
الحب ف الدنيا ثلاث: حب يفرح معجبين
وحب يكمل مهجتك والآخر ودي أمسحه
حب ترا ماله دواء حب يزيد لك أنين
لكن تجمل بالصبر والشعر بحر تسبحه.


كلمات:خلفان بن علي بن سعيد العيسائي.