فرحة العيد
وش من فرح في عيد به هم وعتاب
وش من فرح يوم الحبايب بعيده
يا عيد ابعد ما لك ف قلبي حساب
دام الرفاقه للتواصل عنيده
يا عيد بي هم ٍ على خافقي انساب
عكر مزاجي وانقطع من وريده
شيَّب فوادي والعقل به بعد شاب
ونار انقطاع الوصل تلهب صهيده
كل الخلايق في ضحى العيد تنساب
بازكى تهاني العيد تهتف سعيده
وانا شغيل البال بي ضيق وانشاب
تبكي عيوني صاحبي، وين عيده؟؟
شهرين وانا أرقب وصال لاحباب
عسى الزمان يدور دوره سديده
ويعود ماضي الوقت وتعود لاصحاب
ونعيش في راحه وحياة ٍ سعيده
ما هو رفيقي ، هو من قريب لاقراب
حسبة خويي بالوفا نسير سيده
صدق وأمانه والوفا رمز لاطياب
والطيب أصله والتصافي عقيده
يا صاحبي بالله حيلي ترى ذاب
مثل انصهار الماي خارج جليده
هذا مقالي وانت راجع ف لحساب
وانا ارقب وصالك بطلَّه جديده
كلمات.. °•º الـمـَطـْـلـَـعـي °•º
|