[الريـــم]

رجع يسأل عن أخباري بعد غيبة سنه وشهريـن
رجع شايل وجع صدره وقال أرجـوك واسينـي

رجع كنـه يحسبنـي سعيـد بدنيتـي أو زيـن
واهـو مـا يـدري الدمعـة تسيـل ولاتسلينـي

دمع.هالوجه..أو كنه جمع فـي غيبتـه جرحيـن
وأنا عيني بدت تدمـع علـى حزنـه وتبكينـي

يقول الدنيا خانتنـي وبعـدك يـا الغـلا سكيـن
ولا أحدن يا الغـلا غيـرك يقدرنـي ويراعينـي

حبيبي ضقت بغيابك حبيبي حيـل أنـا مسكيـن
وأنـا جيتـك بهاليـلـه وتكـفـى لا تخليـنـي

و أنا.. لامن نطق (تكفى) عطيته لوطلب (هالعين)
وأجود بكل ما يملـك خفوقـي وتملـك إيدينـي

وقلت: ابشر ولايهمك تدلل وش تبـي يـا زيـن
تراني فدوه عيونك (لـو إنـك جيـت تشقينـي)

حبيبي لو تبي القمـره عطيتـك فوقهـا ثنتيـن
بعد لو تطلب النجمـة أبنطـق جيتـك إضوينـي

بعد هذا ضحك ..بعثر همومه سلهـم الرمشيـن
وقـال الله يـا الطيـب وأنـا ظنيـت ناسينـي

صراحة.. حيل تحرجني يا طيب يا أطيب الغاليين
ولا ادري كيف بوفيلك حبيبـي وأنـت تعطينـي

بعـد هـذا تسامرنـا وتواعدنـا بعـد يوميـن
ووصيته علـى قلبـي وهـو مثلـي يوصينـي

تواعدنا على الجمعة ((ولا جاني ))الين الحيـن.
ومر أسبوع والثانـي وشوقـي يشتعـل فينـي