[VIP]

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي , حالي مثل : أبو العلاء
عندي سبب : ما تستحق إنِّي أجيك و أوصلك


لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك ..!! قلت لك!!

هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك!


ناديت لك ياما .. ولا لبِّيت لي , وضاع النداء ..!
مبحوح صوتي والصدي من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي!!عايش ولكن عشت " لك " !

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه.. يخذلك !!

علمتك إטּ أصل الهوي يرجع لـ كلمة " إحتواء " !
وعلمتني إטּ الهوي , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في .. ساحلك !

ودامك كذا ؟ -توِّي عرفت إنِّي كثر ما أعْرِفِك .. كنت أجهلك !

ما كاטּ قلبي بس لك وقلبك لعب دور الدهاء !


وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !


لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !


إטּ كنت جاهل ..! " لعبتك قلبي " وما فيها ذكاء
حتى الطفل إטּ جبت له [ لعبه ].. - ولاءه صار لك !


قبل أنتهي عندي - أمر ما هو طلب وإلا - رجاء ..
لا يشغلك ماضي إنتهي .. ركِّز علـي " مستقبلك