[الريـــم]

بعد موتي !!



أبيك تكون .. وسط العزآ ب إبتسامة
مابيك تهل الدمع بغيابي ,
ولا ابيك تقول راح الغالي,
لو كنت غالي..!!



أبيك تقول راح ومابقى له غير الدعاء ,
ابيك تكمل أيامك ,
ابيك تذكرني بـ \ أفراحك ,
وأنتبه .. !


لاتنزل دموع من عينك
أبي خدك من صفى روحك !
مفتّح !



ابيك بينهم لاخذوني..
وسط قبري ودفنوني ..!
ابيك تكون موجود ..!
لآخر لحظة من ايامي ..


أبيك ,


تجمع رمال بيدينك وتسكبهاعلى قبري ..
ومن قلبك تودعني !



أبيك ,


لابدوا صلاتي .. تذكر ربك ,
ثم تقول :..


ياربي هذا غالي..
لاتحرمني من جمعة وياه ب جناتك .. !!!


ابيك تلم يدينك وتمسح بباطن كفوفك ..
خدودك .. !!
أبيك تكون آخرمن يروح عن قبري ..
ومابي أوصيك لاراحوا !
أصرخ بأعلى صوتك ..


ياربي والله غالي .. كيف بتحمل فراقه ؟
ياربي .. ارفق به .. وثبته في السؤال !


ولآ أوصيك ..!


لابدت ايام العزآ
توقف على بابيوتستقبل اخواني
وتخبرهم ..
كيف كنت اغليك ..
وقولهم قصتي وياك !
بس تكفى لاتخبرهم باقي اسراري !!
وان انتهت بثالث ايامها ..
خذ ملابسي ولفها بين احضانك..
واذكر كيف كنت تضمني لا بكيت


واياك تنسى ..
وتمسح رقم جوالي !
خله محفووظ ..


ولا حسيت بالضيقه
ارسلي اخر اخبارك
تطمن توصلني
ولا تضيق حتى لو ماجاك ردي..!


وإن يوم ضاقت بك الدنيا ومافيها
تذكر أني بقبري لحالي .. !
وتعال لملم باقي شتاتك على رمالي
اجلس تربع !


وعطني باقي مرسالك ولو تبي تبكي
ابكي أنآ اليوم ماني قبالك
خبرني وش صار بدنيتك بعدي .. وكيف هم معك عقبي ؟


وهو قلبك ذكرني ؟ ولا نساه طول بعدي ؟
ابكي !
أصرخ !
نادي !
أدعي !


سوي اللي تبي !
تطمن أنا اسمعك ولحكيك منتبه ..
ولو مارديت!
أعذرني ,


أنت تعرف أسباب صمتي وسكاتي !


منقوول