زعلان يا صاحبي
اسهر مع الليل ونجوم السما تحيك
ان كان في دنيتك اوجاع و احزاني
زعلان يا صاحبي بالله وش يرضيك
تبغي سقطرة او سطمبول وتجاني
ارفق بحال المتيم لا ذكر طاريك
ينسل طاريك في اذنه بالحاني
شوف المتيم تيتم من بعد ماضيك
ماضيك يسعد حياتي و كل وجداني
يا سارق القلب ارفقبه ترى يغليك
اتركه و انته تعرف اشكثر بيعاني
والله مدري من اللي جالس يحاتيك
كل الجوارح تعاتب جسمي الفاني
وش قصة العين لاجت تنضر لعينيك
سحر فحناياك ولا نور يعشاني
خدك من النور ربي بالحسن كاسيك
والشعر ميدول في انظام و اوزاني
اراهن انه فجمالك محد يساويك
وشلون وانته جمالك خلق رباني
تعال يكفي زعل واليوم انا برضيك
همي اشوفك ولا في يوم تنساني
تعال يكفي زعل واليوم بس ابغيك
تبقا على طول و تنسى ماضي فاني
القصيده اهداء للشاعر محمد الشامسي (ابوعقاب)
|
التوقيع |
|
في هالزمن تقدر تقول أن المثلث مستقيم ******** وما هي غريبه لو تقيس الدائره بالمسطره
ما دامت الرجال تنقل علوم الحــــــــــــريم ******** يعني طبيعي لو أخربط بين رجال ومـــــره
|
التعديل الأخير تم بواسطة alshaheen99 ; 13-09-2011 الساعة 02:20 PM
|