[عاهن الخير]

أيام راحت بالعمر مثل الأحــــلام
يومٍ بهـا زعـلان وأيـام رايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

درست من دنياي وأتعبت الأقـدام
وبدلت عن بعض الطرايق طرايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

وكفخت بأفكاري كما الطير لاحام
وماعاقني عن ماكـر العـز عايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

ياصاحبي خذني معك سيف وحزام
ويّاك في وقت الرخـا والضوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

أخوك بالفزعات ضاري وعــــــزام
يشوقني للطيـب والخيـر شايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

وترى البشر ياخوك منقسمه أقسام
بين الردى والطيب شفت الحقايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

لقيت من صلى وزكا ومن صـام
ولقيت من هو لأقرب النـاس بايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

ولقيت من قلبه حقـودٍ ونمـام
ولقيت من قلبـه يعـز الرفايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

ولقيت من يبني الأمل فوق الأوهام
واللي يموت ولايعـرف العوايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

ولقيت من يملك بساتيـن وأنعـام
واللي من الحاجه ينـام إمتضايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

الله خلق هالخلق سـاده وخـدام
ذي دبـرة الرحمـن رب الخلايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

وآخرك يابن آدم ترى قطعة الخام
أمـر ٍأكيـد ومايبي لـه وثايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

يالله عسى ماكون قطاع الأرحام
وعساي من عقب القبر في حدايـق
⌣┅-̶̯͡»̶⌣·̵̭̌✽̤̥̈̊·̵̭̌⌣«̶-̶̯͡┅⌣

جاك الكلام وخذ معه بصمة إبهام
إن العمـر كلـه مجـرد دقايـق

وسلاااااااااااااااامكم

منقوووووول......><