[& فـتـى عـاااهـن &]

وهذي القصيدة كنت موجهها لأحد الشعراء ، طبعا ً بدون ذكر اسم ، ولتلافي الشبهات وما شابه ذلك ، قمت بتعديل القصيدة وحذف اسم الشاعر واستبداله بكلمة (هذا)..

ما كل من خط القصيد وسرى بـــه
يفخر بأنه شاعر ونعتزي بـــــــــــه
الشعر له ناس "ن" تحدد صوابــــه
تنسج بيوته في الرخا والمصيبــــــه
ما هو غرام شويعر "ن" له دعابــه
أو هو مهازل للذي يدّعي بـــــــــــه
أو هو تلتّه في الحكي عن عذابــــه
متعذّب "ن" في حبه وقال هيبــــــــه
الشعر يا (هذا) ، فنون وذرابـــــــــه
مدح "ن" وذم "ن" ، التواضع نسيبه
الشعر عند اهله يا (هذا) مهابــــــــه
حكمه مصونه للذي يعتني بـــــــــــه
وين الشعر يوم المراجل ع بابــه؟؟
وين القلوب الصافية والقريبــــــة؟؟
وين أحمد الكندي؟ ووين الربابـة؟؟
ووينه ابن سوقات واللي دريبـــــــــه
وين العتيبه لي تعدا السحابـــــــه؟؟
وينه؟ ووين اللي مثلهم يجيبـــــــه؟؟
يا مصبح اللي لك ف الأشعار لابه
واللي لك الأشعار تخضع سكيبـــــه
انظر وطالع ف الشعر وش غدابـه
عز الله شعر اليوم ما هو طريبـــــة
يا هاجسي عد القصيد بعذابــــــــه
وارسله للي له طبايع غريبــــــــــة



كلمات.. وليد العيسائي...