مساءكم خير ورضا وعافيةمدخـــــــل...
الحلــــوه اللي دايم(ن) بالممرات
أشــــوفها لا صرت نازل وطالع ..
إتطالع و يلعب بها الشوق بـ سكات
لكن تسوّي نفسها .. ما تطالع .. !
ياخوك خلي مايفارق بيته
..................وان راح راح لبيت ابوه الثاني
شفته وهو غافل ولا حاكيته
..................ماناطق لسانه بيوم لساني
صد وستر نفسه ولاغثيته
..................لا بيه يكرهني ولا ينساني
هو مادرى وانا العنا عانيته
..................جاني بشوفه شي ماقد جاني
ان الله اعطاني رضاه اعطيته
..................وجه النقى والقدر والصفطاني
هذا اللي لامنه حصل وليته
..................في مابغى يامرني وينهاني
مافيه درب يمر مامريته
..................كل الدروب يدلها شيطاني
الادمي ذا نادره نوعيته
..................ماهوب يشبه جيله التعباني
يمدي لو ان حبه عبث خليته
..................كم عابث خليته وخلاني
ارسلت له مرسولي ووصيته
..................على الوفى والصدق والكتماني
اما بما يرضي هله وافيته
..................والا فله شانه وانا لي شاني
ماكل شي لابغيته جيته
..................بيوت خلق الله لها بيباني
تدرين ويش الحب يا باغيته ؟
.................. المره والرجال والحرماني
مخرج..
امتحنيّ في غرامه مير يسلم راسه
يكفي أنّا في المــحــبه معتلين القمّه
جلّ من خلاّه يفرق عن جميع اجناسه
ما يرجّح ثقل عقله غير خفّة دمّه
ما تقول الا مدبّس قلبي بكراسه
عقب ما سجلّ عليه ملاحظات مهمّه
مدخل غآزي بن مشعل ، نص عبدالله بن علوش ، مخرج سداح العتيبي
وسلامتكم