منتديات وادي عاهن - حــروز المـــودة

منتديات وادي عاهن (http://w-ahin.com/vb/index.php)

- شعراء الموقع (http://w-ahin.com/vb/forumdisplay.php?f=11)

- - حــروز المـــودة (http://w-ahin.com/vb/showthread.php?t=786)

حــروز المـــودة

حروز المودة

فكّ حرزي يا مطوَّع..
وامسحه واشطب عليه..
خلله في ماي بارد..
واقرا تعويذه عليه..
بدّله ابحرز ثاني..
للذي اموت فيه..
صاحبي ياللي هويته..
ابحياتي افتديه..
خلَّه يتعلّق بقلبي..
ويعشقه ويموت فيه..
خلّه ينعش لي فوادي..
يا حلا لمسة يديه..
كثّف احْروز المودَّه..
يا مطوّع واحتريه..
حطّها في ماي بارد..
خلّه يعرفني أبيه..
يا عسى تنفع حروزك..
واستغلَّه وانتصيه..
واكسبه واكسب وداده..
وانثر ورودي عليه..
أعترف انّي أناني..
بس قلبي مرتجيه..
لا حشى ما ني بقاصد..
يا عسى الشر ايْعَديه..
كل شي بيدين ربّي..
القدر ما له شريه..
الله يعلم بالخفايا..
ويا عرب اموت فيه..

كلمات..
وليد العيسائي

مشكووووور وليد العيساااااااااااااااائي .....

القصيده ماا عليهاااااا كلام ..

وتسلم ع الطرح ..

شكراً طموحي أنساك..

هذا من ذوقك..

لا والله الرجال متعذب

قصيدة جميله في خفتها وسلاستها

اقتباس:

فكّ حرزي يا مطوَّع..
وامسحه واشطب عليه..
خلله في ماي بارد..
واقرا تعويذه عليه..

تكرار الكلمة في القافية بنفس المعنى .. لو أستبدلتها لكان أفضل

بس القصيدة ما عليها كلام

وفي إنتظار المزيد من أشعارك

قصيدة جميلة

شكرا لك وليد غلى الكلمات الطيبة

ماشاء الله عليك يالعيسائي

مبدع في قصايدك

وقصيدتك جميله بمعنى الكلمه

صح الله لسانك

أتمنى لك الأفضل والى الامام دائما....

شكراً لمروركم الرائع..

جميلة ، سلسة وسريعة الإيقاع وليد ..

لك دعائي بالتوفيق ..

شكراً عالمرور أختي أرواح مهاجرة..

صراحة يعجز اللسان عن التعبير شعر بسيط وسهل وجميل
تسلم وليد على الطرح