منتديات وادي عاهن - وحشة الفرقى

الحزن لبسني من غيابك بشوت
يا وحشة الفرقى إذا النفس عيّت
ما يقتل العاشق سوى ضيم مكبوت
وجروح في وسط المحاني تفيّت
دام الوله في داخلي يهدم بيوت
وش حليتي والهم في الروح بيّت
في روض بستاني ذوت زهرة التوت
ما عاد ساقيها على الفرع صيّت
شقوة ألم صكت على حنجر الصوت
ولسان حال الضيق بالويح تيّت
الأول خذيت الود والحال مبخوت
والعين في رؤياك راقت وبيت
أفرشلك أشواقي على ورد بيروت
وإن جيت في دنيا المحبين حيت
جربت عنك الصبر والعاصف يفوت
يصلي الصدر بلواه والنفس غيّت
يوم الرجاء في كوخ الأقدار مصفوت
طاحونة الأيام دارت وليت
هدمت خفاقي وأنا منك مبهوت
ما كنت أضنك للضغينه مبيت
الموت مرة وانت في بعدك الموت
تبعد ونبض احساس لفواد ميّت
يالحزن لا تضفي على المهجه بشوت
من وحشة الفرقى ترى النفس عيت