▌► إذا المراجل لبسة شماغ وعقـال ,,قـل للعـذارى يلبسـنّ العمايـم ◄▐
 

إذا المراجل لبسة شماغ وعقـال
قـل للعـذارى يلبسـنّ العمايـم

ما عاد يفرق زول حرمه ورجال
دام الفعايل تشبـه البعـض دايـم

المرجله ما هيـب كلمـه وتنقـال
وتروح ما راحت هبوب النسايـم

وإلا خشونة صوت أو رفع الأثقال
أو رزة صـدور وفعـل الزلايـم

ولا هي بعد مفتاح موتر وجـوال
وإلا ردى لسانـن حديثـه شتايـم

المرجله شيمه عن القيـل والقـال
رفيع نفسـ(ن) حر بالجو حايـم

المرجله عقلٍ وزن وزنـه جبـال
ودون العقل وش فرقنـا والبهايـم

يا مسندي لو مايل الوقت بي مال
يا ولد أبويه يـا عظيـم العزايـم

يا معرب الجدين من العم والخال
يا نخوة المفزوع وقـت الهزايـم

المرجله يا خوي هي طولة البـال
هي العزم هي الصبـر فالظلايـم

فيها الكرم عـزه دلـه وفنجـال
فيها الكرامه عن ردى الطبع شايم

والدين لامنه خذا القلـب منـزال
.مشى طريق الحق وابليـس نايـم

ومن لا عرف ربه في طيب الحال
لابد وقت الضيـق بالهـم هايـم

حتى صلاتك مع جماعات ورجال
في خيرها يا خوي نعـم الغنايـم

ولا صرت ما تدري لو يش أنت رجال
والله خسارة فيك ذبح التمــــايم

م.ن

تسلمين ،،،،،،،،،،،،،،

صح لسان الشاعر المبدع

تسلمين على النقل

يعطيك العافيه...

قصيدة رائعة
صح لسانك الشاعر
وتسلمين على النقل الموفق

تسلمي ع النقل