منتديات وادي عاهن - لو انك تطلب عيوني , لأقول ان العمى خيره

منتديات وادي عاهن (http://w-ahin.com/vb/index.php)

- عذب القوافي (http://w-ahin.com/vb/forumdisplay.php?f=25)

- - لو انك تطلب عيوني , لأقول ان العمى خيره (http://w-ahin.com/vb/showthread.php?t=4230)

لو انك تطلب عيوني , لأقول ان العمى خيره

تطري علي وَ يآ كثثثر مآ أسرح بـ طاريك
وَ أرسم " خيآلك " وَ أحبسه بين " آلّأهدآب "

وَ أغمض عيوُني . . وَ بآلَأجفآن أغطيك ..

بحاول أوصف احساسي تجاهك وانثر الامطار
بحاول.. بس ياالغالي شعوري صعب تفسيره !

انا من يومني بنت(ن)صغيره والقلوب كبار
بلاني ربي بحبك , وعشت بعالم الحيره

أنا من يومني طفله وانا لي بالهوى تذكار
عشقتك من صغر سني , يا زين الوصف والسيره

صحيح اني صغيره حيل , ومن حولي بنات صغار
صحيح همومنا لعبه , وكل أحلامنا صغيره

طموح البنت في عمري ,عروسه ولعبة استشوار
وانا كل اهتماماتي , عيونك ياضيا الديره

في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكيره

أنا ما همني درسي .. ولا هموني الشطار
تجاهلت الفصل كله .. عباراته ..طباشيره

كتبت اسمك على هاك الدفاتر يالغلا تكرار
رسمت قلوب ورديه , سكنها انت , من غيره؟

الا ياليتني بنت(ن)تعرف تنظم الاشعار
يمين الله لأكتب لك قصايد تفضح الغيره

كبرت اليوم يا الغالي وزاد بقلبي الاصرار
على حبك , وحب اللي يحبك فاق تعبيره !

جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره

فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره !

كبرت اليوم يا الغالي وزاد بقلبي الاصرار
على حبك , وحب اللي يحبك فاق تعبيره !

ابداااااع يا الشيدي
تسلم كلمات رائعة
ونقل موفق

كلمات رائعه
تسلم أخي " الشيدي " ع الطرح الجميل
صحيح اني صغيره حيل , ومن حولي بنات صغار
صحيح همومنا لعبه , وكل أحلامنا صغيره
ذكريات الطفوله لا زالت باقيه عندما كان همنا لعبة فقط

تسلمو ع المرور المتميز

جميل جميل ولكن شعر البنات ما لايق للرجال

اعتقد فهمت قصدي

شكرا عن النقل مرة ثانيه ركز وأختار ما يليق بكونك رجل وليس فتاة

شوف كيف أختيار راعي الكروزر هههههه

سوري بس لما اشوف غلط ما أحب اسكت

شكر لك الشيدى وتقبل النقد بصدر رحب

صح لسانك..! عاد حب من وهي صغيره!! فاقده حنان بيكون!!

تسلم على القصيده..

ههههههه
شكرا ع المرور