كتبت الشعر مو لاجلك.... ولكن فااااض بي بركان


واما انتي فلا تسوين قصيده في نظر عيني...


حلفتي لي تصونيني إذا صار الزمن خوان


وأول ماعثر حظي على دربك خذلتيني...


كسر رمح الزمن صدري وجيتك أشتكي حيران...


نزعتي الرمح من صدري وفي ظهري طعنتيني !!


خساره كيف حبيتك؟نعم والله أنا ندماااان...


غبي أدري! نعم أدري !


مادام إنك سكنتيني خمس سنين من عمري وأنا في لعبتك غرقان..


أشيل الشوك من دربك وجرحي كان يدميني


وكنت أبكي إذا تبكين وأكون لبسمتك فرحان


وكنت أقرب من رموشك لعينك يوم تبغيني


عرفتك للأسف صحراااا...وحولّتك إلى بستان


وشلتيني غصن أخضر وفي صخرك زرعتيني


حفرتك داخلي ,ظني تصوني العهد والعرفان


وكنت أحفر قبر موتي على ساحل شراييني


على كف الشقا نامت جروحي والألم سهران


يحطمني ...يبعثرني..وفي صحراك يرميني


ولكن عزتي ترفض وبكون بدنيتي سلطان


وإذا ظنك أجي أركع لرجلك ماعرفتيني


أنا ما عادتي أشحت من أمثالك رضا وإحسان


أموت بعزتي أرحم ولا ذلك يغطيني


ومادام الوفا عندك خليه يدوّر على عنوان


بدوّر لي على قلب يصون الحب وسنيني


ولو قلبي ذكر حبك بولّع فيه بالنيران


وبكسرها أنا رجليا إذا صوبك تودّيني


و لو دار الزمن ضدك وجيتي تطلبي الغفران


وجبتي الشمس في كفك لعندي ما بتلقيني


تقول الناس في وصفك: جميله ...مثل عود البان


وإنك أجمل وأحلى بشر مخلوق من طيني


وإنك غاليه وأثمن من الياقوت و المرجان


يقوم الكون من شانك وتقعد لك بلاديني


حسافه غرّهم شكلك وياما تخدع الألوان

((ولو قلبي ذكر حبك بولّع فيه بالنيران
وبكسرها أنا رجليا إذا صوبك تودّيني)).

يحافظ عليك.. الله وكيلك.. ربي لاهانك.
-------------------------------------

((واما انتي فلا تسوين قصيده في نظر عيني.))

صرااااااااااااحة ماقصر فيها.. ماعليه زوووود بيض الله وجهه.

صح الله لسان الشاعر.. وتسلم ع النقل (عالي مستواه).
قصيدة ولا أرووووووووع.
عيل لما صارلك نفس هالموقف ماسويت قصيدة..
هههههههههه.
تسلم.