|
رثاء في المرحوم أبن أخي
القصيدة مجاراه على قصيدة الشاعر أبوحميد وهي رثاء للفقيد الغالي أبن أخي وشقيقي ( سليمان بن حمد بن سليمان العيسائي ) رحمه الله وأسكنه فسيح جناته يا حادي البين تكفى لا تمازحنا الهم حطت رحاله في أراضينا شوك الحسافة بلا ميعاد جرحنا نتوسل الهم يوم الهم يلفينا يا حادي البين لو مرة تصارحنا لا تأخذ الزين عن تكثر مآسينا مديت كفي ترجيتك تسامحنا تكفى دخيلك يكفينا الذي فينا ما عاد باقي يغير الدمع يفضحنا والحزن ألف من دموعي دواوينا فيلق همومك يحادي البين صبحنا يرمي قذايف ألم ويرج خافينا أدميت روحي ولا في يوم تفرحنا شقيت قفل الصدور وصرت تدمينا ما كان ظني تجي في يوم تربحنا يا ليت مرة تسامحنا وتعفينا لبستنا الحزن ما ودك تصالحنا أخطيت في حقنا والظيم خاوينا وش لك تعمدت بسليمان تذبحنا خليت سعد الليالي نحس يكوينا أستغفر الله بكينا غيابك ونحنا أيلين عزم الهواجس خر يرثينا قصيت حبل الأمل يا البين وأسمحنا قهويتنا المر عقب فراق غالينا جرعتنا الآه والعبره تصافحنا نامت عزوم الذي عزمه يحاضينا لا حول بالله عناء الأيام كافحنا وما عاد لك يالشهم نظره بأراضينا يا كم ضحكنا معك يا كم تمازحنا واليوم كل العرب فيكم تعزينا في جنة الخلد لك منزل يفرحنا والحمد لله سجدنا له وصلينا يا حادي البين تكذب لو تمازحنا الويج ناخت رحاله في أراضينا تحياتي أبوراشد |
تسلم ابوراشد على القصيده الطيبه ...
وبكل صراااحه افتقدناا شخص غالي وعزيز على قلوبناا لكن هذاا المكتوب .. وهذاا مانقدر قوله ((في جنة الخلد لك منزل يفرحنا)) وشكراا مرة اخرى . |
وش لك تعمدت بسليمان تذبحنا خليت سعد الليالي نحس يكوينا. صح الله لسانك.. ان دمعي يسيل وينتثر,, وان عبرتي تخنقني وتجبرني على البكاء والنحيب,, لا أستطيع أن أكمل..........!! |
اقتباس:
صح لسانك على القصيدة يا أبو راشد كل يوم يعاد لي مشاهد من تلك الأحداث الحزينة أنقطع عمله .. وماله إلا دعواتكم الصادقة تنير بها قبرة ورحم الله سليمان وجميع موتى المسلمين |
مجرم الحب وجريح المشاعر وأبو الريم
أشكركم على مروركم الرائع طيب الله ثرى ميتنا وجميع موتى المسلمين |
البقية ف حياتكم اخووي والله يصبركم على ما ابتلاكم
اللـهـ يجزيهم عن الاحسان إحسانا وعن الأساءة عفواً وغفراناً. اللـهـم إن كانوا محسنين فزد من حسناتهم , وإن كانوا مسيئين فتجاوز عن سيئاتهم اللـهـم ادخلهم الجنة من غير مناقشة حساب ولا سابقة عذاب . اللـهـم اّنسهم في وحدتهم وفي وحشتهم وفي غربتهم اللـهـم انزلهم منزلاً مباركا وانت خير المنزلين اللـهـم انزلهم منازل الصديقين والشهداء والصالحين وحسن اولئك رفيقا اللـهـم اجعل قبورهم روضة من رياض الجنة...اللـهـم افسح لهم في قبورهم مد بصرهم وافرش قبورهم من فراش الجنة . اللـهـم اعذهم من عذاب القبر ,وجاف ِالارض عن جنبيها . اللـهـم املأ قبرهم بالرضا والنور والفسحة والسرور. اللـهـم إنهم فى ذمتك وحبل جوارك فقهم فتنة الفبر وعذاب النار , وانت أهل الوفاء والحق فاغفر لهم وارحمهم انك انت الغفور الرحيم. اللهم امييييييين |
شكرا أختي الريم على مرورك وتعزيتك لنا
ونسأل الله أن لا يريكم مكروه |
هلا
الله يرحمه ويغمد روحه الجنه
|
اقتباس:
شكراً لك ودمت بود |
يا كم ضحكنا معك يا كم تمازحنا
واليوم كل العرب فيكم تعزينا في جنة الخلد لك منزل يفرحنا والحمد لله سجدنا له وصلينا عسى الله تعالى ان يبدل احزانكم افراح .... الله يصبركم |
| الساعة الآن 11:42 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
جميع الحقوق محفوظة لـ موقع ومنتديات وادي عاهن