يا الله يا محلا وصوف أحبابي
وصف(ن) جميل مغلف بعفوية
من غير مذكر أبرز الأسبابي
قصة غرامي للملا مخفية
بنت(ن) جميلة بثوبها العنابي
حورية(ن) ما مثلها حورية
أصل وفصل من سالف الأنسابي
عزة شموخ وقصة(ن) مروية
مدري أسكنها وسط لهدابي
والا أسكنها وسط عينيه
كن القمر من خدها ينسابي
الله أكبر كيف سوت فيه
مدري علام القلب فيها صطابي
وصارت علاقتنا وفاء مبنية
ولو غيرها حاول بيقرع بابي
منسى غلاها دام روحي حيه
للطيب طيب ومامثلها طيابي
وللعز عز وملحمة شعرية
حتى حروفي تشربكت بعرابي
وصارت على حد الكسر مبنية
ياخيرة أصحابي وأعز أحبابي
قلت الشعر والمسألة جدية
قلبي بعدكم ضايع ومصطابي
والعين هلت دمعة(ن) مخفية.

سالم العيسائي.

تسلميييييييين.. ويعطيك العاااااااافية.

هههه.. تسلم.. آمين أخوي.