منتديات وادي عاهن - لا تغرك المظاهر

كل شبر بهالوسيعة ملك ربي تعلمين
واعلم ان اللي خلقني هو خلق لك هالعيون
لكن انتي من جلستي و انتي فيني تحدقين
كن ما به ناس غيري بهالكراسي يجلسون
لو سمحتي عاد اسمعي وحتى لو ما تسمحين
المهم اللي بقوله تسمعينه ويسمعون
عالاقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عاد زينة والحياء في البنت زين
وفيك جازم لا ركادة و لا حياء يذكرون
تعرفيني؟أعرفك؟ما أذكر انا ملتقين
لا اعرفك من تكوني ولا تعرفي من أكون
واطمأني ان كان قصدك بس فيني تشبهين
ما هو أنا اللي تعرفيه والبشر يتشابهون
ما دريتي من التشابه يخلق الله أربعين
وأعرف أربع يشبهنك بس والله يستحون
وان كان قصدك شي ثاني عاد قولي وش تبين
خايف انا نصير فرجة واللي ما شتروا يتفرجي
واذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو انا ألف غيري باب بيتك يطرقون
وش علامك رغم كل اللي أقوله وتسكتين
مو طبيعي هالسكوت وهالبرود وهالسكون
انتي خرسا أسألك و لا منتي تسمعين؟
قالوا ربعي ذي الكفيفــــــــــــــــة قلت لالا تمزحون
لين شفتك يوم رحتي يمسكونك باليدين
ما دريت الا عيوني اربع اربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفة يالعفيفة ان قلت آسف تقبلين؟؟
يغفر الله ذنوب عبده ليا خطا وهل تغفرون؟؟
منقوووووووووووووووووووووووووووووووول