منتديات وادي عاهن - تكفى ياابوي لايغسل جثتي غيرك...><

تكفى ياابوي لايغسل جثتي غيرك..

يابوي ليه تبكي كل ما شفتك وعينـك لـي
تخاف أموت يابوي ... وقبــل الموت تبكيني

تكفا يابوي لا تبكي وأنا موجود معك وحـي
أجل بعد الرحــيل أشلون في قبري توطينـي

يابوي لو تموت الناس ماتسوى دموعــك ذي
وأنا يابوي ميت قبل أموت وأنـت محيـينـي

قسم بالله يابوي لجل عينك شربـــت الغـي
تحملت السنين اللي طوتني في عذابي طــــي

وصار الجمر بكفوفي.. وتحــت أقدام رجليني
جـرعت الهم والحرمان وبحر الويل يسـقينـي

يابوي ماعلى عمري حسافه ولا بــقا بي شي
ولكـن بطلبـك يابـوي تكـفـا لا تخلينـي

يابوي مابي غيرك يغسـل جثتـــــي بالمـي
وتكــفا قبل لا أتكفن .. يابوي فكلـي عينـي

بأمر الله يمكن ألـمحك وأرحــــل في عيني ضي
وودع وجهك الطاهر مع دنيـــاي وسنينـي

وخل الناس تحملني وترفع راسي ورجــــلـي
وتأخذني على قبري وتكسب أجرهـا فيــنـي

وأذا جيت القبر يا بوي نزلني شوي شــــوي
ووجهنـي لبيـت الله .. وقبلـــه المصلينـي

وحط الطين وأدفني وعز اللي يعـزي فـــي
ثلاث أيام يابـوي .. يواســـوك المعزينـي

ورابع يوم يا بوي تذكر ..ضحـــكتي وعني
تذكر وش كنت أقول يـوم أنــك تنادينـي

تذكر كنت تجي يمي تصب الماء..على وجهي وتصحيني
تذكر جرة الموال وصوت في حبالـه كــــي

تذكر يوم كنت أنام في ظل النخـل والفـــي
يوم أغني لك قصيدي وانت توحيـــنـي

تذكر ضحكتك لا قلتلك يابوي عــشقي هـي هـي هـي
تذكر كم قصيدة خافيه مـا بينـــك وبينـي

تذكر كل شي كان وأذكر يـوم انـــاحـي
ولكــــــن أسالـك بالله يابـوي لا تبكيني

تحياتي : عاهن الخير....><