|
سموّ الشعر
سموّ الشعر
تفضل يا سموّ الشعر واكتب مقصدك فْ الحال وعبّر عن مدى همي وهمك باللذي تشوفـــــــــه مدامك يالشعر هالوقت بين الحل والترحـــــــال عيَل وشْ باقيِ فْ قولك ماْ غير الهرج وصنوفـه رحَمْه الله ذاك الشعر يومه كان بإيد رجــــــــال ويومه كانوا الشَّعَّار بالإبداع معروفــــــــــــــــه زمان أول به الأشعار تتسابق على لأمثــــــــال عوايدها ومعانيها بكل لابيات مصفوفــــــــــــــه يحلّيها الوصايف لي حووها طيّبي لافعــــــــال رجالٍ كرَّسوا لاشعار بالعادات مرضوفـــــــــه قوافي الشعر معهم تشرب بكاسٍ عذِب وزْلال مصفّى من جميع الهرج والتخبيص وصنوفــــه إذا الشاعر بدا ف البيت لأول كمّله ف الحـــال ببيتٍ عاليِ فْ قدره وقدّ الشعر وحروفـــــــــــه وإذا هاض الفكر واشتد به صاغ القوافي طوال وحافظ عالوزن فْ البيت واللي مثله يشوفــــــه وصبّ الشعر مْ الدله وغنَّم ع الحضــــور دلال حروفه كنّها ف سباق تتسابق على الطوفـــــــــه وكل حرفٍ على سيرته ينثر ورد ماله بـــــدال يفوح العطر منّه كنّه الكمبودي بوصوفـــــــــــه تعال اليوم طالع فْ الشعر يا فاهم الأقــــــــوال وقارن مقصد الشعّار بالتفصيل وكلوفـــــــــــــه حشى لله شعر اليوم ما له قيمةٍ تنقــــــــــــــــال قلايل من تجد فيهم خصايل شعر معروفــــــــه "أحبش يا بعد عمري" هذا شعر والا خبــــال؟ يا إلا بعينه هذا هرج ماله معنى فْ صفوفـــــه وما خطا مصبح ف ذاك البيت لي بهْ قـــــــــال كلامٍ يوصف الحاضر وما صابه من ضروفــه "مصيبه يقطع الله من نصيبه" واسمعوا لإكمال "زمان الدندنه والبرتغاله" وافهموا وصوفـــه كلمات: وليد العيسائي |
صح لسانك الشاعر
في انتظار الاحلى منك |
صح ابدنك
مشكووووووووووووووووور |
قلايل من تجد فيهم خصايل شعر معروفــــــــه
"أحبش يا بعد عمري" هذا شعر والا خبــــال؟ صح لسانك الشاعر قصيده جميله يعطيك العافيه |
تسلم اخوي
مشكور ع الطرح الاكثر من رائع وفانتظار المزيد منك وتقبل مروري |
صح لساانك يا ولد الخباات....بيضت الوجــــه بصرااحه..........شاعر وانا اشهد..
|
الله يعطيك العااااااااااااااااااااااافية ياشاعرنااااااااااااا.......بنعطيك وسام الشعر وأصله...كذا أبغاك أشد عن المتنبي وربعه!!!!!!......زدم متألقا ومتميزا..........وعاد ننتظر جديدك.....
|
الا المتنبي يا حمووده .. فهو من قال وأسمعت كلماتي من به صمم ..( ترى ما يعجبني عليه )
أخي وليد .. لك الشكر وبانتظار أن نرى منك الشعر الذي تنعيه هنا .. معك حق كثر الغثاء .. وكل من كتب كلمتين قال شاعر .. ولكن للحق ما زالت أقلام تسمو أرواحنا بكلماتهم .. ونعيش معهم الشعر .. أحاول معكم هنا التعرف على النبطي .. فحقيقة جل اهتماماتي في الفصيح .. ولكن لا بأس بأن أتعرف وأتعلم منكم .. |
@@صح لسانك@@:)
سموحه على قل لحلى |
ألف شكررررررررررررررررررررر للجميع.
وانته يا راعي صدامه ، لازم تغلط؟؟.. أنا أحيد صدامه فيها عيسائيين ، والا انته غير؟؟ لا يكون ما من صدامه؟؟ |
| الساعة الآن 11:30 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
جميع الحقوق محفوظة لـ موقع ومنتديات وادي عاهن