منتديات وادي عاهن - قصيدة البلاك بيري

أحدن معاكم عنده بلاك بيري ؟ // الهاتف اللي يجمع الخل خلـــه

هاتف خليوي بس به شي غيري // فيه المسنجر أغلب الوقت كله

اللي معه بلاك بيري الخطيري // يشوف ريما تشبك أون لاين ولا؟

من فوق منبر جاماعات الغريري //أعلن سقوطي وانشري يا مجلـة

أشهد غلاها يلعن أسلاف خيري // ريماستن شهلا جفولة و خجلا

جمالها يدهن مع الوقت سيري //كن التدلع لغز والريم حلــــــــه

واللي فدروس الغنج تب تستشيري// تبغي التدلع ,, درب ريما تدلــه

أسلوبها رائـع ولكن حريـــري // واللي تبي تذله تــــقدر تــــذله

كلامها مرسوم سامي أميري // كنه قرار لمجلس الشعب الأعلى

خمسة سنين وفي هواها أسيري // متفارقين اسنين وقلبي تعـــله

وان كانها حبت مع الوقت غيري // ببلع قصيدي من عقب ما أبلــه

اللي معاكم عنده بلاك بيري // يشوف ريما تشبك أون لاين ولا ؟