منتديات وادي عاهن - قصيده للشاعر/ سيف بن علي المزيني

أنا لن ابدي تعريفي بالشاعر الكبير سيف بن علي المزيني(أبوعلي) لان الشاعر معروف بشعره وشاعريته ولكن هناك اشخاص قد غابوا عن الساحه الشعريه ولم يتم تدوين اي من اشعارهم إلا القليل
حبيت اعرض عليكم هذه القصيده والتي تم كتابتها بتاريخ 18/2/1990م وقد ألقاها الشاعر في تلفزيون سلطنة عمان آناذاك أرجوا ان تستمتعوا بالقصيده:

رابشني يالربع ربشــــــــــــــه
ربشة الراعي ورى بوشـــــــه
لي فهواه الروح ممتشــــــــــه
المتقي عن غيه الدوشــــــــه
في ضميري راسم النقشـــــه
نقشة البرجال منقوشــــــــــه
مارشني في الحشا مرشـــه
مرشة وتزيدني طوشــــــــــــه
من جداه القلب في وحشــــه
وفي غيابه الروح موحوشــــــه
لي سقاني الحب من غرشه
ومن عذاب النفس مدهوشـه
شروى يلي يعمل فورشـــــــه
مبتلي وأفكار مربوشـــــــــــــه
الناس قالوا مخترش خرشــه
بوعلي ويطرش طروشــــــــــه
ما دروبي في الفكر خدشـــه
فرحتي ملقلب مكشوشـــــه
مبتلش من صاحبي بلشــــه
لي خطا يتمريح بكوشـــــــــه
ذاك منه صرت في وحشـــــه
حطني في نار مدهوشــــــه
ظامي ومتصبر بعطشـــــــــــه
بوعلي ويقاسي عطوشـــــه
ما هنالي القوت من غبشــه
أجرعه لو كان بطشوشـــــــه
يا حبيبي رشني رشــــــــــه
رشة الماورد مرشوشــــــــــه
وثيب نفسي منك منهشـــه
ومن وجع بلواك ممشوشـــه
كالقضيمه صرة منقشـــــــــه
أصبحت ملحب مقشوشــــه
شروى طير رابي فعشـــــــه
ويوم خلص طارة عشوشـــه
لو يشوفك ميت فنعشـــــــه
قام يبسم داخل نعوشــــــــه
ذا وختم الجيل بالطشــــــــه
عالذي ذبحتني رموشـــــــــه
تمت