منتديات وادي عاهن - الشيبه والعجوز

السلام عليكم ورحمة الله وبركاته
كيف حالكم الأخوه والاخوات عساكم بخير

عجبني الحوار اللي دار بين الشيبه والعجوز وحبيت انقله حلكم وعسى أنكم تستانسو...

الشيبه:

قلبي شباب ولازم اني اعرس...مابي العجوز اللي توسد على الباب

الخير وايد وماني مفلس...عندي فلوس تدعم البنك في حساااب

العجوووز:

ماباقي منك غير خشمك وهالضرس... تبغى تعرس وانت غادي شالغراب

قابل صلاتك الله يشفيك من المس..ولا ترى بالطب ويهك بالترااااب

الشيبة:

أنتي عجوز وأكلك الروب والخس...اماا انا مآكل سوى تكه وكباب

مافيني سكر غير ضغطي نازل بس...دام الهوى فيني ترى كل شي طاااب

العجوووز:

لا بارك الله فيك يالشيبه يالنحس...ماتجيبك الرمسه ولا يجيبك اعتاب

قصر لي صوتك ماابي اسمع ولا حس...عطني طلاقي وانقلع وقبض الباب

الشيبه:

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عرس...مرتاح بالدنيا بلا هم واعتاااب

العجوووز:

بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب

الشيبه:

فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقه اربع وخمس... شلي طلاقك من ضميري بلا حسااب

العجوووز:

مشكور يالشيبه ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب

الشيبه:

يالله قبل لا اموت منك وقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز لك في الدنيا خلان واحباب؟!

العجوووز:

مثلك تراني وهذا لك في العمر درس... لاني اميز بين شيبه وشياااب

ولا نسيت اني على الموضه اللبس...ماعلموك اني بلا شيله وحجااااب

مثلك تراني وهذا لك في العمر درس... لاني اميز بين شيبه وشياااب

ولا نسيت اني على الموضه اللبس...ماعلموك اني بلا شيله وحجااااب

^
^
^
^
^
^
وأنتظر ردكم ولادي....